ਜ਼ਹਿਰ

               ਜ਼ਹਿਰ

ਜ਼ਹਿਰ ਹੈ ਜ਼ਹਿਰ ਹੈ ਜ਼ਹਿਰ ਹੈ

ਚਾਰੇ ਪਾਸੇ ਛਾਇਆ ਜ਼ਹਿਰ ਹੈ

ਸਾਡੇ ਅੰਦਰ ਜ਼ਹਿਰ, ਬਾਹਰ ਜ਼ਹਿਰ

ਜਿੱਧਰ ਦੇਖੋ ਉੱਧਰ ਜ਼ਹਿਰ

ਪਾਣੀ ਜ਼ਹਿਰਲਾ ਹਵਾ ਜ਼ਹਿਰਲੀ 

ਧਰਤੀ ਜ਼ਹਿਰਲਾ, ਅੰਬਰ ਜ਼ਹਿਰਲਾ

ਪਤਾਲ ਜ਼ਹਿਰਲਾ, ਅਕਾਸ਼ ਜ਼ਹਿਰਲਾ

ਹੋਇਆ ਸਾਰਾ ਪੌਣ-ਪਾਣੀ ਜ਼ਹਿਰਲਾ

ਉਗਾਈਏ ਜ਼ਹਿਰ, ਖਾਈਏ ਜ਼ਹਿਰ 

ਕਮਾਈਏ ਜ਼ਹਿਰ, ਵੰਡੀਏ ਜ਼ਹਿਰ

ਸੁਣਦੇ ਜ਼ਹਿਰ, ਕਹਿੰਦੇ  ਜ਼ਹਿਰ

ਮਾਂ ਜ਼ਹਿਰਲੀ, ਬਾਪ ਜ਼ਹਿਰਲਾ

ਪੈਦਾ ਹੋਵੇ ਔਲਾਦ ਜ਼ਹਿਰਲੀ

ਹਰ ਪਾਸੇ ਹੁਣ ਫੈਲਾਏ ਜ਼ਹਿਰ

ਕੁਦਰਤ ਵਿਖਾਏ ਆਪਣਾ ਕਹਿਰ

ਕਿਉਕਿ ਚਾਰੇ ਪਾਸੇ ਫੈਲਿਆ ਜ਼ਹਿਰ

ਪਰ ਅਸੀਂ ਨਿਰਦੋਸ਼ ਹਾਂ !

ਕਿਉਂਕਿ ਅਸੀਂ ਮਾਸੂਮ ਹਾਂ

ਨਾ ਜਾਣਦੇ ਹਾਂ 

ਨਾ ਪਹਿਚਾਣਦੇ

ਆਪਣੇ ਫਰਜ਼

ਪਰ ਸਾਨੂੰ ਪਤਾ ਹੈ

ਸਾਡੇ ਹੱਕ 

ਸਰਕਾਰਾਂ ਦੇ ਫਰਜ਼

ਦੂਜੇ ਦੀਆਂ ਖ਼ਾਮੀਆਂ

ਆਪਣੀਆ ਖ਼ੂਬੀਆਂ

ਦੂਜਿਆਂ ਵੱਲ ਤੱਕਣਾ

ਭੀੜ ਦਾ ਹਿੱਸਾ ਬਣਨਾ

ਸਾਨੂੰ ਖ਼ੂਬ ਆਉਂਦਾ ਹੈ

ਸਿਸਟਮ ਦਾ ਹਿੱਸਾ ਬਣਨਾ

ਤੇ ਸਿਸਟਮ ਨੂੰ ਹੀ ਨਿੰਦਣਾ

ਸਾਨੂੰ ਆਪਣਾ ਨਿੱਜ ਪਿਆਰਾ

ਆਪਣੀ ਅਕਲ ਪਿਆਰੀ

ਆਪਣਾ ਪਰਿਵਾਰ ਪਿਆਰਾ

ਕੀ ਲੈਣਾ ਹੈ ਕਿਸੇ ਕੋਲੋ

ਸਾਡਾ ਤਾਂ ਹੋਵੇ ਚੰਗਾਂ ਗੁਜ਼ਾਰਾ

ਅੱਗ ਨਾ ਉਦੋਂ ਤੱਕ ਅੱਗ ਲੱਗੇ

ਜਦੋਂ ਤੱਕ ਨਾ ਘਰ ਸਾਡੇ ਪਹੁੰਚੇ

ਫਿਰ ਮਚਾਈਏ ਹਾਲ-ਦੁਹਾਈਏ

ਪਰ ਪਹਿਲਾ ਰਹਿੰਦੇ ਹਾਂ ਸੁੱਤੇ

 ਮਨਦੀਪ ਗਿੱਲ ਧੜਾਕ

9988111134

ਗ਼ਜ਼ਲ (ਕਵਿਤਾ) / ਮਨਦੀਪ ਗਿੱਲ ਧੜਾਕ

ਗ਼ਜ਼ਲ (ਕਵਿਤਾ) / ਮਨਦੀਪ ਗਿੱਲ ਧੜਾਕ

ਜ਼ਿੰਦਗੀ

     

                              

ਕਦੇ ਕੌੜੇ ਤੇ ਕਦੇ ਮਿਠੇ ਪਲਾਂ ਨਾਲ ਮਿਲਾਉਂਦੀ ਹੈ ਜ਼ਿੰਦਗੀ ,

ਆਪਣੇ ਤੇ ਆਪਣਿਆਂ ਲਈ ਜੀਣਾ ਸਿਖਾਉਦੀ ਹੈ ਜ਼ਿੰਦਗੀ ।

ਡਿੱਗਦੀ ਹੈ , ਉੱਠਦੀ ਹੈ , ਪੈਰਾਂ ਤੇ ਖੜਾਉਦੀ ਹੈ ਜ਼ਿੰਦਗੀ ,

ਨਿੱਤ ਨਵੇਂ - ਨਵੇਂ ਸਬਕ ਜ਼ਿੰਦਗੀ ਦੇ ਪੜ੍ਹਾਉਦੀ ਹੈ ਜ਼ਿੰਦਗੀ ।

ਗਮਾਂ ਵਿਚ ਰੋਵੇ ਤੇ ਪੀੜ ਹਿਜ਼ਰ ਦੀ ਹਢਾਂਉਦੀ ਹੈ ਜ਼ਿੰਦਗੀ ,

ਖੁਸ਼ੀਆਂ ਵਿੱਚ ਗੀਤ ਪਿਆਰ ਦੇ ਵੀ ਗਾਉਂਦੀ ਹੈ ਜ਼ਿੰਦਗੀ ।

ਹੋਵੇ ਦ੍ਰਿੜ ਵਿਸ਼ਵਾਸ ਤੇ ਕੁੱਝ ਕਰ - ਗੁਜਰਨ ਦਾ ਜਜ਼ਬਾ ,

ਫਿਰ ਤਾਂ ਪਹਾੜਾਂ ਨਾਲ ਵੀ ਜਾ ਟਕਰਾਉਦੀ ਹੈ ਜ਼ਿੰਦਗੀ ।

ਹੋਵੇ ਸ਼ਬਰ ਸੰਤੋਖ ਤੇ ਦਸਾਂ ਨਹੂੰਆਂ ਦੀ ਸੁੱਚੀ ਕੀਰਤ ਜਿਥੇ ,

ਉਸ ਵਿਹੜੇ ਵਿੱਚ ਪਲ – ਪਲ ਮੁਸਕਰਾਉਦੀ ਹੈ ਜ਼ਿੰਦਗੀ ।

ਆਪਣੇ ਵੀ ਕਈ ਇੱਥੇ ਗੈਰਾਂ ਤੋਂ ਵੀ ਵੱਧ ਕੇ ਬਣ ਜਾਂਦੇ ਨੇ ,

ਤੇ ਗੈਰਾਂ ਵੀ ਨੂੰ ਕਈ ਵਾਰ ਆਪਣਾ ਬਣਾਉਂਦੀ ਹੈ ਜ਼ਿੰਦਗੀ ।

ਮਨਦੀਪ ਜ਼ਿੰਦਗੀ ਨੂੰ ਸਮਝਣ ਵਾਲੇ ਪੀਰ ਪੈਗੰਬਰ ਬਣਦੇ ਨੇ ,

ਨਿੱਤ ਹੀ ਨਵੀਂ ਬੁਝਾਰਤ ਮਨੁੱਖ ਅੱਗੇ ਪਾਉਂਦੀ ਹੈ ਜ਼ਿੰਦਗੀ ।

                                     ਮਨਦੀਪ ਗਿੱਲ ਧੜਾਕ            

                                    9988111134